(8)
اشرف یوخودان آییلان کیمی الینی سینه سی نین اوستونه آپاردی . کیتابی تاپمادیقدا یورغانی آتیب یئرینده ن سیچرادی . یاستیغی قالدیردی ، دوشه یین آلتینی یوخلادی ، گوزونه هئچ نه دیمه دی . رنگی کاغیذ کیمی آغاردی . چارپایی نین دورد یانینا فیرلاندی ، اییلیب آشاغی باخدی ، پنجره نین قاباغینی آختاردی . (( بو نئجه اولا بیلر ؟ )) – دئیه دوشوندو . یولداشلارینی اویاتماق ، اونلاردان بیر – بیر کیتاب گوروب – گورمه دیکلرینی سوروشماق ایسته دی . آنجاق اوره ک ائتمه دی . آخی بو کیتابی اونا گیزلینجه وئرمیشدیلر ، اوزونه ده تاپشیرمیشدیلار کی ، هئچ کسه گوسترمه سین .
آردی ....
+ ائلیار پولاد یکشنبه پانزدهم شهریور 1388 ، ساعات ،
21:30 |