دوردونجو حیسسه

 

      ( 11)

      آخشام  مشغله لری  چوخدان  قورتارمیشدی . طلبه لر  خوره کلرینی  یئییب  یاتاق خانایا  گئتمیشدیلر . اوشاقلارین  یاتماسینی  خبر  وئره ن  زنگ ده  چوخدان  وورولموشدو . آمما  دیمیتری  دیمیترییه ویچ  ائوینه  گئتمه میشدی . او ، کابینئتینده  تکجه  اوتورموشدو . کیپیانی نین  طلبه لرین  گوزو  قاباغیندا  حبس  ائدیلمه سی ، آتلی کازاکلارین  آخیشیب  سئمینارییانین  حیه تینه  دولوشماسی ، نهایت ، پولیس  رییسی نین  اوزباشنالیغی اونو حووصله ده ن  چیخارتمیشدی . اونون  ایجازه سی  اولمادان  رهبرلیک  ائتدیی  مکتبده  گورولن  ایشلری  سئمیونوو  پئداگوژی  تعلیمه  ضید  حئساب  ائدیردی .

دوردونجو حیسسه

 

        (10)

            قورغوشون  کیمی  آغیر  و  قاتی  بیر  قارانلیق  قاناد  گریب  سئمینارییانین  اوزه رینه  چوکموشدو . صینیف  اوتاقلاریندا  یانان  ایشیقلار  گئجه نین  قارانلیغینی  بوغا  بیلمیر ، سولغونلاشیب  پنجره لرده  اوله زییر ، دومان   آرخاسیندا ایمیش  کیمی  گوجله  گورونوردو . مکتبین  حیه تی  بومبوش  ایدی . پنجره لرده  تیتره شن  کولگه لرده ن  باشقا  سئمینارییانین  بیناسیندا  جانلی لیق  علامتی  یوخ ایدی . اینسانی  قورغوشون  کیمی  ازیب ، قوصصه  و  کده ره  قرق  ائده ن  بو  آغیر  سوکوتدان  آدامین  قولاغی  گویولده ییردی . آنجاق  پئتروو  هئچ نه یه  فیکیر  وئرمه ده ن  بیر  کابوس  کیمی  صینیف  اوتاقلاری نین  قاباغیندا  دولاشیردی . او  هر  شئیی  بیلمک ، هر  پیچیلتی نی  دینله مک  و  هر  سوزو  ائشیتمک  ایسته ییردی . او ، بودفه  عاده تی  خیلافینا  آیاغینی  یئره  آستاجا  باسیر  و  چالیشیردی کی،   چکمه لری  سسله نمه سین .